Janë zbardhur të tjera detaje nga mediat zvicerane lidhur me krimin e rëndë që tronditi mëngjesin e djeshëm qytetin e Zyrihut, ku një 60-vjeçar pasi i mori peng dy femra, i ekzekutoi ato dhe më pas vrau edhe veten me armë. 60-vjeçari mori dy gra të moshës 34 dhe 38-vjeçare, ndërsa njëra nga viktimat ishtë shtetase nga Kosova.
Sipas raportimeve 60-vjeçari i armatosur mori peng dy gratë në një banesë në rreth orës 03:00 të mëngjesit dhe pas tre orësh nga apartamenti u dëgjuan të shtënat.
Gjithashtu bëhet me dije se pengmarrësi dhe viktimat kanë jetuar për pak kohë së bashku.Viktimat e kësaj ngjarje janë 34-vjeçarja Leonora F. 34-vjeçare nga Kosova dhe Dana T. 38-vjeçare.
Të dyja gratë punonin si kujdestare në kantonin e Zyrihut. Sipas mediave zvicerane ka dyshime se Leonora ishte ish-e dashura e pengmarrësit, ndërsa jetonte me M.S. Emri i saj ishte bashkangjitur në kutinë postare në një copë letre të bardhë.
Shqiptarja nga Kosova raportohet të ketë punuar në një shërbim të limuzinave dhe në një agjenci private detektive në Uster. Ajo punonte aty së bashku me pengmarrësin dhe vrasësin e saj me iniciale P.C.
Ngjarja e rëndë mësohet të ketë ndodhur 2 ditë më parë në Zyrih të Zvicrës. Një 60-vjeçar kishte marrë peng të dashurën e tij shqiptare 34 vjeçe dhe një shoqe të sajën. Më pas ai ka vrarë dy të rejat dhe veten.
