Disa qytetarë raportohet se kanë mbetur të dëmtuar si pasojë e sulmit me gaz nga policia. Sasia e gazit të hedhur ka krijuar probleme jo vetëm te protestuesit, por edhe banorët e zonës, në një rreze të gjerë, nga godina e Kuvendit.
Nuk dihet sesa qytetarë janë dëmtuar nga gazi, një pjesë e të cilëve janë munduar të futen në bizneset e zonës, për t’i shpëtuar sulmit.
Ndërkohë një qytetar ka mbetur i shtrirë në rrugë, duket në gjendje të rëndë shëndetësore.
Deri më tani, policia ka dhënë informacione vetëm për policët e plagosur.
