Një ngjarje e rëndë ka ndodhur në Zyrih të Zvicrës, të premten, pasi një 60 vjeçar mori peng të dashurën e tij shqiptare dhe shoqen e saj me të cilën ajo banonte, duke i vrarë pastaj.
Bëhet fjalë për gruan 34 vjeçe me inicialet I.S., me prejardhje nga Kamenica. Një fqinj ka njoftuar policinë pasi pa një nga gratë që po kërkonte ndihmë. Sipas dëshmitarëve, njëra prej të rrëmbyerave kishte dalë në ballkon duke bërtitur në spanjisht.
60 vjeçari, identiteti i të cilit nuk është bërë i ditur iu kishte thënë “shikoni se çfarë keni bërë”. Policia ka mbërritur për 10 minuta në vendngjarje. Pengmarrësi u i tha policisë zvicerane se kishte dy gra peng dhe i kërcënoi t’i qëllonte ato nëse policia nuk tërhiqet menjëherë.
Njësia e ndërhyrjes futet në vendin e ngjarjes dhe gjen tre persona të plagosur rëndë, dy gra dhe pengmarrësin. Por, si pasojë e plagëve të marra, dy gratë dhe pengmarrësi kanë gjetur vdekjen e menjëhershme.
Shqiptarja dhe shoqja e saj, jetonin së bashku në një banesë, në Döltschiëeg, ndërsa vrasësi, në një adresë tjetër.
