Sic ka paralajmëruar edhe më herët selia blu, pasditen e sotme në orën 19.00 do të zhvillohet edhe proteta e 7 e opozitës së bashkuar. Partitë opozitare do të mbajnë tubimin e radhës para kryeministrisë.
Ndërsa, nga ana e policisë janë marrë masat për mbrojtjen e godinës, ku forca të shumta të efektivëve do të jenë në gatishmëri të plotë për të shmangur incidentet e mundshme dhe dhunën e protestuesve.
Kjo metodë ushtrohet për të garantuar sigurinë e godinës nga protestuesit në raste se nga ana e PD-së ndodh një ndryshim skenari. Është ktheyr në një traditë tashmë që pas ndalesës së parë përpara godinës së kryeministrisë, protestuesit marshojnë edhe përpara Kuvendit dhe institucioneve të tjera të rëndësishme. Opozita prej muajit shkurt ka djegur mandatet dhe kërkon largimin e Ramës dhe zgjedhje të lira e të ndershme.
