Teksa pasditen e kësaj të diele opozita proteston, kryeministri Edi Rama do të jetë në Lezhë në kuadër të fushatës elektorale.
“Sot 18.00 fushata e 30 qershorit vijon me Lezhën, të cilës bashkë me Pjerinin do t’i japim një hov të ri me rrugën e re turistike Shëngjin/Velipojë e hapjen e një kapitulli të ri zhvillimi turistik e rural për ta vënë atë dhuratë të natyrës në funksion të ekonomisë e punësimit”, shkruan Rama në një postim në Twitter. Një ditë më parë, fushata e PS u hap në Tiranë, dnërsa sot do të zhvendoset në Lezhë.
Nga kampi opozitar, sot zhvillohet protesta e 7 kombëtare dhe kërkesa mbetet e njëjtë: largimi i Edi Ramës si kryeministër dhe një qeveri tranzitore për ta garantuar zgjedhje të lira e të ndershme.
