Ky është një uragan popullor, nuk është thjesht një protestë e opozitës.
Kështu u shpreh Endrit Braimllari, ish-deputet i LSI-së, i cili i ka kthyer përgjigje edhe kërcënimeve të kryeministrit Edi Rama, sipas të cilit ata që do të cënojnë zgjedhjet, nuk do të lejohen të hyjnë në SHBA.
“I vetmi person që s’duhet të shkelë në SHBA dhe në BE është Edi Rama. Ne s’mund të pranojmë që në Shqipëri të instalohet monizmi dhe të cënohet demokracia.
Njerëzit kanë ardhur në Tiranë me rrebesh shiu dhe ndodhen sot para Kryeministrisë. Sot qytetarët udhëheqin në këtë vend dhe ata janë përballë krimit të organizuar dhe një kryeministri që mbolli krimin dhe drogën në këtë vend”, tha Braimllari.
Ndërkohë sikundër raportohet kryetarja e LSI-së nuk do të jetë pjesë e protestës së sotme të opozitës së bashkuar, për shkak sikundër thuhet ka një agjendë të ngjeshur.
