Tërmetet e shkaktuar mëngjesin e sotëm në qytetin e Korçës kanë shkaktuar panik te qytetarët.
Gjithsej janë regjistruar gjashtë lëkundje tërmeti, më e fortë është regjistruar në orën 04: 26 me magnitudë 5 Rihter. Pas kësaj goditjeje, janë regjistruar edhe 5 të tjera, që kanë disa dëme në banesat, kryesisht ato të vjetra.
Nga raportimet mësohet se janë dëmtuar katër persona në fshatin Floq. Mësohet se ato janë dëmtuar nga rënia e mureve të banesave.
Banorët shprehen se një tërmet i tillë kaq i fuqishëm është i pazakontë për këtë zonë dhe se nuk ka ndodhur prej vitesh.
Nga frika e lëkundjeve të tjera, ata kanë zgjedhur të vijojnë të qëndrojnë jashtë banesave të tyre pasi ndihen ende të friksuar nga tërmeti.
“Jemi te tmerruar. Lëkundje të tilla nuk janë shënuar prej vitit 1960. Janë plasur muret. Kemi frikë të futemi në banesa.”- thanë banorët për mediat vizive.
Lëkundja më e fuqishme është regjistuar në orën 6.30 minuta, ndërsa është pasur më pas nga 4 lëkundje të tjera disa minuta më vonë po ashtu të fuqishme.
Nga pamjet shihet pasojat që ka lënë tërmeti në qytetin juglindor.
VIDEO:
FOTO
