Identifikohet autori i plagosjes në Tiranë. Sikundër raportohet ai është Flamur Karaj, efektiv i repartit special FNSH. Autori mësohet se është vetëdorëzuar në polici, disa minuta pas ngjarjes.
Ndërkohë i plagosuri është transportuar në spital, në gjendje të rëndë shëndetësore. Nga të dhënat e para mësohet se i plagosuri është Enver Karaj. Ngjarja e rëndë ka ndodhur në Pezë. Autori dhe i plagosuri mësohet se janë kushërinj.
“Në fshatin Dorëz, komuna Pezë, dyshohet se gjatë një konfkikti të çastist mes dy kushërinjëve, ka mbetur i plagosur me armë zjarri shtetasi E.K, i cili është transportuar menjeherë për ndihmë mjeksore. Autori i plagosjes shtetasi F.K, aktualisht ndodhet i shoqëruar në Polici. Grupi hetimor ndodhet në vendngjarje dhe po punon për zbardhjen e rrethanave të ngjarjes”, njoftoi Policia.
