Kryetari i PD-së Lulzim Basha shprehu vendosmërinë për të çuar deri në fund aksionin opozitar deri në plotësimin e qëllimit: Largimin e Ramës si kryeministër dhe një qeveri tranzitore për të siguruar zgjedhje të lira e të ndershme.
Nga “Unaza e Re” në kryeqytet, Basha tha se protesta e nesërme do të jetë një “rekord bashkimi zemrash dhe fuqie kudër tiranisë”.
“Shqiptaret janë bashkuar dhe çdo ditë e më shumë ky bashkim bëhet me i madh falë vendosmërisë që kanë marrë nga banorët e Unazës së Te dhe qendrëstarët e demokracisë e lirisë anembanë Shqipërisë. Ndaj që kjo betejë të shkojë deri në fund ka një dhe vetëm një rrugë: ta shkulim të keqen me rrënjë. Largimi i Edi Ramës, një qeveri tranzitore që garanton zgjedhje të lira e të ndershme dhe një parlament që përfaqëson qytetarët, hallet, problemet, dëshirat dhe aspiratat e tyre si kudo në Europë janë produkt i panegocieshëm i qendrës opozitare dhe bashkimit popullor që do ta çojë betejën deri në fund”, shtoi kreu i PD-së.
Kryeopozitari i bëri apel qytetareve ti bashkohen protestës së nesërme.
“Të bashkohemi për ta shkulur të keqen me rrënjë, të bashkohemi në protestën e nesërme në rrugën tonë pa kthim për të mos lejuar më asnjë dramë njerëzore dhe familjare, asnjë shkelje flagrantë të të drejtave dhe lirive tuaja nga një grusht horrash dhe hajdutësh që nuk janë më as qeveria, as parlamenti juaj, por një grusht horash që do ti zhdukim me çdo çmim dhe çdo kusht”, deklaroi Basha.
Basha flet me emra: Kush janë zyrtarët e lartë që donin të çonin 30 mln euro në kontot bankare të…
