Situata në qarkun e Korçës, ku u regjistruan të paktën 7 tërmete, është e rënduar. Nga raportimet zyrtare mësohet se të paktën 60 shtëpi janë prishur pjesërisht, ndërkohë që ka të dhëna që numri i banesave të dëmtuara është mbi 100.
Burime zyrtare nga Prefektura Korçë, bëjnë me dije se janë dëmtuar rreth 50 banesa në fshatrat Floq, dhe Qafezës si dhe 10 dhe të tjera në fshatin Vidohovë të Devollit.
Pasojat më të rënda, u ndien në fshatin Floq ku rezultoi edhe epiqendra e tërmeteve.
Nga këto shtabe po merren masa për çdo të papritur të fatkeqësive natyrore, si dhe për ndërhyrje në shtëpitë e dëmtuara atje ku ka emergjencë strehimi.
Në orën 06:26 është regjistruar tërmeti i parë me magnitutë 5.2 dhe me thellësi 4km, ndërsa tërmeti i dytë u regjistrua pak minuta më vonë, në orën 06:51 dhe me magnitutë 4.8.
Nga tërmetet e fuqishme janë shënuar disa dëme materiale që qytetin e Korçës ku janë prishur disa banesa.
