Mediat italiane raportojnë mbi operacionin e përbashkët të policive në Itali dhe Shqipëri, që çoi në pranga 5 persona.
Operacioni i koduar “Sabbia” çoi në arrestimin e 5 shtetasve të përfshirë në trafikun e drogës, kryesisht i dedikuar në importin, transportin dhe shpërndarjen e sasive të mëdha të marijuanës.
Hetimet për këtë grup kanë nisur që në janar 2018.
Droga shkonte nga Shqipëria drejt Italisë me gomone, të cilat zbarkonin në zonat e izoluara bregdetare, ku gjeni mbështetjen e krimit të organizuar në Pulia.
Droga më pas nëpërmjet korrierëve, transportohej më pas në vende të ndryshme për tregun italian si në Romë, Napoli, Milano dhe Firence.
Mediat italiane raportojnë se i dyshuari kryesor është Flodian Serjani. Ai përshkuhet si një trafikant me lidhje të qëndrueshme në Toskana dhe që udhëtonte shpesh mes Shqipërisë dhe krahinës së Brindisit për të organizuar mbërritjen e ngarkesave.
Serjani është arrestuar sot në Shqipëri.
Gjatë hetimeve kundër grupit, janë sekuestruar rreth gjysmë ton drogë në periudha të ndryshme kohore.
Më 12 janar 2018, në Magliano Sabina (RI), përgjatë autostradës A / 1 në veri, karabinierët arrestuan një ndërlidhës shqiptar i nisur për në Toscana, duke transportuar 70 kg marijuanë.
Më 15 shkurt 2018, në periferinë lindore të Romës, karabinierët, arrestuan një ndërlidhës italian me 178 kg marijuanë dhe dy shqiptarë, që do të pranonin sasinë e drogës, ndërsa në shtëpinë e tyre u gjetën edhe 188 kg lëndë narkotike, peshore elektronike dhe materiale paketimi.
