Nga Boldnews.al
Ndonëse kryeministri Edi Rama plot pompozitet kremtoi 10-vjetorin e anëtarësimit të Shqipërisë në NATO, po bën gjithçka që të shqetësojë seriozisht strukturën e sigurisë në botë. Sekretari i Përgjithshëm i NATO-s, Jens Stoltenberg, ka parashikuar të vizitojë Tiranës pak orë para protestës së opozitës së bashkuar, të dielën pasdite.
Numri një i NATO-s pritet që të ketë një takim me kryeministrin Edi Rama dhe më pas edhe me kreun e shtetit Ilir Meta. Mësohet se temë e takimit do të jetë siguria në rajon, por veçanërisht kriza politike në vend, çka ka shqetësuar seriozisht edhe strukturën ushtarake dhe politike.
Shqipëria është pjesë e saj prej një dekade dhe kryeministri Edi Rama është kthyer në “qokaxhiun” e evenimenteve të rëndësishme kombëtare që i gjeti të gatshme nga qevritë pararadhëse.
Vizita e sekretarit të Përgjithshëm të NATO-s vjen në një kohë kur klima politike në vend është e tensionuar, ku palët kanë ngrirë dialogun dhe vendi është përfshirë nga pasiguria. Opozita mbetet e vendosur për të mos lejuar zgjedhjet lokale më 30 qershor të këtij viti, ndërsa qeveria po vijon propagandën e saj për të mbajtur zgjedhjet edhe pa pjesëmarrjen e opozitës. Pikërisht një konflikti me nuanca civile i druhet edhe NATO.
Kjo situatë do sjellë në Tiranë kreun e saj që pritet të informohet për gjendjen që po kalon Shqipëria dhe të japë këshillat për të dalë nga kjo krizë me rrezik të madh, jo vetëm për vendin por të gjitha rajonin.
Deri më tani kryeministri Edi Rama ka refuzuar çdo kërkesë të opozitës që lidhet me dorëheqjen e kryeministrit, krijimin e një qeverie kalimtare dhe mbajtjen e zgjedhjeve të parakohshme. Gjithashtu vendi ka kaluar në situatën mëse kaotike ku çdo institucion i pavaruar është kthyer në një zgjatim i zyrës kryeministrore.
Korrupsioni në nivelet e larta shtetërore, trafiku i drogës, lidhja e politikës me elementë të botës së krimit dhe akuzat për shitblerjen e votave janë disa nga arsyet që Shqipëria sot ndodhet në një kaos të pashpallur dhe mbi të gjitha në pragun e një konflikti civil nëse palët nuk gjejnë një zgjidhje të shpejtë.
Rreziku më i madh qëndron në vendosmërinë e qeverisë për të zhvilluar zgjedhjet lokale pa pjesëmarrjen e opozitës zyrtare, duke shënuar në këtë formë një “hap institucional” në instalimin e totalitarizmit në vend. Situata mbetet e rëndë dhe përveç politikës ndërkombëtare, veçanërisht BE-në ka shqetësuar edhe strukturën e NATO-s.
