Në një kohë kur një grup akademikësh i kanë dërguar një peticion presidentin Ilir Meta për mos dekretimin e Skënder Gjinushit si kreu i Akademisë së Shkencave, ky i fundit shprehet i sigurt se do të marrë “ok” nga kreu i shtetit.
“Me zotin Meta kam marrëdhënie krejt normale, shumë të mira. Nuk kam vetëm marrëdhënie institucionale por edhe personale”, është shprehur Gjinushi në një emision televiziv, “jemi takuar dje. Më uroi për zgjedhjen. Votuan 43 akademikë”.
