Sekretari i Përgjithshëm i NATO-s, Jens Stoltenberg, do të zhvillojë një vizitë disa orëshe në Tiranë, ditën e dielë, 2 qershor.
Stoltenberg pritet të zhvillojë një takim me kryeministrin Edi Rama, ku pritet të diskutohet mbi çështjet e sigurisë rajonale, situatën politike, por edhe përmbushjen e detyrimeve nga ana e Shqipërisë si vend anëtar i NATO-s.
Pas Shqipërisë, Stoltenberg do të udhëtojë drejt Maqedonisë për të zhvilluar disa takime me zyrtarët e lartë të vendit fqinj në Shkup.
