Gjatë debatit në emisionin “Open”, analisti Neritan Sejamini e pyeti kryeministrin Edi Rama sepse gjithë këta persona me precedent kriminalë kanë dëshirë të marrin në gojë ministrat e qeverisë së tij.
“Kemi rastin e Sajmir Tahirit, kemi rastin e Fatmir Xhafajt, tani kemi rastin e Vangjush Dakos. Si e shpjegoni ju që të paktën dy ministra dhe një kryebashkiak i rëndësishëm merren në gojë nga këta persona”, tha Sejamini.
Rama në përgjigjen e tij, tha “më gjeni një rast kur një parti reagoi ndaj Tahirit sikundër bëmë ne”.
Në vijim të debatit, Sejamini i përmendi rastin e drurit të arrës në vitet ’94-95, kur Genc Rulit, Rexhep Uka dhe Artan Hoxha u çuan në prokurori.
Por Rama tha se kjo ishte një luftë politike brenda llojit.
“Është mallkim për njerëzit e këtij vendi, që të jetojnë duke marrë përsipër këtë mallkim që unë e kam marrë përsipër, dhe e përballoj se jam mësuar: krimi, krimi, krimi, droga droga droga”, tha Rama.
