Deputeti Kujtim Gjuzi u shfaq ditën e sotme me termometër në dorë. I ftuar në emisionin “45 minuta” me gazetarin Denis Minga u shpreh se donte t’i maste temperaturën Ramës.
Biseda në studio
Gazetari: Ky termometri është vetëm për Ramën, s’ka nevojë Basha dhe Berisha për këtë termometër?
Gjuzi: Berisha është doktor e ka gjithmonë me vete. S’ka nevojë për termometër. Unë dua t’i mas temperaturën Ramës sepse është do me çdo kusht ta çojë vendin në zgjedhje dhe ngrenë temperaturën në ajër.
Gjuzi foli më pas edhe për bisedën që pati me Ramën ne parlament.
“E patë se si u tërhoq me elegancë? I thashë un, s’mund të më thërrasë dikush lartmadhëri mua. S’më rezulton asgjëkundi. Më pëlqeu që u tërhoq me elegancë aty tek ajo pjesë,”– tha Gjuzi.
Gjuzi zbulon prapaskenat: Ish-deputetët e PD-së duan të kthehen në Kuvend, ja marrëveshja e fshehtë
Deputeti Kujtim Gjuzi ka ‘zbërthyer’ planet e fshehta të deputetëve që dorëzuan mandatet në shenjë revolte ndaj qeverisë së kryeministrit Edi Rama.
“Po, ata po tentojnë të rifuten në Kuvend. Po tentojnë të rimarrin mandatet dhe janë edhe 18 vende vakante bosh.
Kështu që nëse bëhet ripërzgjedhja, mund edhe të kthehen. Kanë një marrëveshje të fshehtë me socialistët,”– tha Gjuzi.
