Në marsin e vitit 2017-të ngjarja më e rëndësishme e kohës ishte kapja e 12 tonëve hashash në fshatin Pagri të Përmetit. Kjo sasi e madhe e kapur në atë kohë, ju faturua 4 fshatarëve të varfër, të cilët qëndruan disa muaj në burg pa asnjë faj, për tu liruar në 28 nëntor të po atij viti.
Ndërkohë që ditën e sotme në redaksinë e Boldnews.al, ka mbërritur një tjetër denoncim lidhur me këtë ngjarje.
Sipas denoncuesit, qytetarët e Përmetit mbrëmjen e sotme janë duke u mbytur me erën e hashashit që po digjet jo shumë larg qytetit.
Denoncuesi thekson se policia ka vendosur që të djegë hashashin e kapur në 2017 pranë qytetit të Përmetit, duke bërë që qytetarët të ndihen keq nga era e keqe por edhe e dëmshme e kësaj lëndë narkotike.
Ja mesazhi i qytetarit:
Pershendetje. Ju shkruaj nga Permeti. E mbani mend hashashin e kapur ne fshatin Pagri? Po e djegin jo shume larg nga qyteti. Eshte mbushur lugina tym hashashi. Na helmuan. Tani u be erresire. Po nuk eshte sekret. Erdhen sot helikoptere dhe specialiste. Dhe i bene goxha eleminim.
Kujtojmë që në 28 nëntor të vitit 2017-të 4 fshatarët e Pagrit, u liruan nga burgu, pasi Gjykata nuk gjeti as edhe një provë që ti lidhte ata me sasinë e madhe të lëndës narkotike, përveç faktit se ata ishin banorë të zonës, ku bosët e Rilindjes kishin vendosur të mbillnin hashashin. /Boldnews.al
Ja linku i kapjes së drogës:
https://boldnews.al/2017/11/28/lirohen-pronaret-e-12-toneve-hashash-te-permetit/
