Ish-kryeministri Sali Berisha akuzoi pasardhësin e tij në qeverisjen e vendit, Edi Rama, lidhur me mungesën e investimeve dhe përfundimin e projekteve në infrastrukturë.
Berisha tha në studion e “Pressing” në TV T7, se Rama nuk ka përfunduar asnjë kilometër autostradë në dhjetëra projekte të lëna në vitin 2013.
“Rama nuk ka përfunduar asnjë kilometër autostradë në dhjetëra projekte të lëna në vitin 2013. Për 7 km të papërfunduara në 6 vite, çmimi i autostradës Tiranë-Elbasan i kaloi 300 milionë eurot. Gjithçka janë vjedhje klamoroze.
Shkoni shihni pak rrugën që prokuroi dje Rama, Milot-Balldren, 15 milionë euro kilometri për ta shndërruar në 4 korsi, as tunel, as urë. Ndërkohë që bypassi i Fierit që ka disa vepra arti, ndërtohet me 2.1 milionë euro për kilometër. Inaugurimi i autostradës Prishtinë-Shkup do të ishte gracka për Ramën”, tha Berisha.
