Pas hetimit të nisur nga policia e më pas nga prokuroria pas referimit të materialeve në organin e akuzës, 6 ish-deputetë të PD-së kanë njoftuar një konferencë për mediat.
“Në orën 11.30, në selinë e PD, 6 deputete të saj kanë një konferencë për shtyp për ngjarjet e datës 16 shkurt tek Drejtoria e Policisë Tiranë”, njoftoi PD. Burime nga selia blu sqaruan se ish-deputetët do tu përgjigjen akuzave të ngritura ndaj tyre.
Ndaj gjashtë ish-deputetëve të PD ka nisur procedim penal. Ata akuzohen se kanë kundërshtuar me dhunë forcat e policisë.
Procedimi ka nisur në bazë të disa pamjeve që sipas akuzës, tregojnë sesi Flamur Noka se bashku me Enkelejd Alibeaj, Gent Strazimiri, Klevis Balliu, Xhemal Gjunkshi, Anton Frrokaj hyjnë me dhunë në ambientet e Drejtorisë së Policisë Tiranë dhe veprojnë në mënyre të dhunshme ndaj efektiveve të policisë. Në lidhje me këtë rast Prokuroria pranë Gjykatës se Shkalles së Parë, Tiranë, ka kryer hetime duke ngritur akuzë për veprën penale të Kundërshtim i punonjësit të policisë së rendit publik, kryer në përdorim të dhunës dhe në bashkëpunim.
Bëhet e ditur se ky hetim ka filluar pas protestës së datës 16 shkurt.
