Ish-deputeti Genc Pollo, edhe pse prej kohësh i distancuar nga skena politike nuk ka mundur t’i rezistojë lajmit të ‘madh’ që ka dhënë sërish kryeministri Edi Rama. Duke qenë se një vit më pare Edi Rama tha gjithashtu se Bashkimi Europian është i gatshëm të hap negociatat me Shqipërinë, lajmi sivjet duke qenë i njejtë nuk ka pasur ndonjë jehonë të jashtëzakonshme. Megjithatë, padyshim që ka pasur një reagim të madh nga maxhoranca por edhe nga opozita e cila, përtej rezistencës shpreson që këtë herë BE t’i përgjigjet rekomandimit me një vendim pozitiv.
Në këtë linjë ka qenë edhe ish-deputeti Genc Pollo i cili përmes një statusi në Facebook ka uruar këtë gjë për Shqipërinë.
“Për herë të tretë Komisioni Europian rekomandon hapjen e negociatave me Shqipërinë. Shpresoj të jetë “e treta e vërteta” dhe BE t’i përgjigjet rekomandimit me një vendim pozitiv. Procesi i negociatave mund të jetë një ndihmë e vyer për të kapërcyer situatën tejet të rënduar me kapjen e shtetit, me mpleksjen e qeveritarëve me krimin e organizuat dhe me korrupsionin e nivelit të lartë. Mund të jetë i tillë nëse duan të shohin realitetin dhe jo vetëm tekstet e printuara dhe nëse duan t’i thonë gjërat siç janë”, shkruan Pollo.
Më tej ai shtpn se nëse në pesë vitet e shkuara nuk do të kishte fiksim tek stabiliteti rajonal i garantuar nga “të fortët” apo tek një reformë e vetme e komplekse por tek të pesta prioritetet e tek kriteret e Kopenhagenit, si dhe presioni e kritika konstruktive do të kishte qenë pak a shumë në nivelet e deri 2013, atëhere kjo do të kishte qenë një ndihmë e vyer për Shqipërinë europiane dhe situata nuk do të ishte përkeqsuar kaq shumë.
