Kreu i Kosovës, Ramush Haradinaj ka reaguar lidhur me situatën që është krijuar mëngjesin e sotëm në veri të Kosovës, ku gjatë një aksioni policor u arrestuan 30 persona mes të cilëve edhe komandanti i Policisë së Kosovës në Zubin Potok, i cili është i nacionalitetit serb
Në një mesazh në rrjetet sociale, Haradinaj fton serbët e veriut ta ruajnë qetësinë dhe ta respektojnë ligjin!
Postimi i plotë
“Me urdhër të Prokurorit, në gjithë Kosovën aktualisht është duke ndodhur një operacion policorë, i drejtuar ndaj individëve të përfshirë në kontrabandë, krim të organizuar dhe vepra të tjera kriminale. Disa prej personave të përfshirë në këto vepra janë zyrtarë doganorë, policë por edhe qytetarë të rëndomtë. Operacioni u zhvillua me sukses edhe në Komunat Veriore të Kosovës. Si Kryeministër i vendit, konfirmoj se bëhet fjalë për zbatimin të ligjit dhe asgjë tjetër. Ftoj serbët e veriut ta ruajnë qetësinë dhe ta respektojnë ligjin!”
LEXO EDHE: Breshëri të shtënash në Kosovë/ Policia përplaset me kriminelët (VIDEO)
LEXO EDHE: Aksioni policor në Mitrovicë/ Dy policë të plagosur
LEXO EDHE: Tensione dhe polici/ Ç’po ndodh në Veri të Kosovës
