Konstitucionalisti Sokol Hazizi i ka cilësuar si gënjeshtra deklaratat e mazhorancës socialiste për ngritjen e Gjykatës Kushtetuese në muajin qershor.
Në studion e emisionit “Tempora”, Hazizi tha se këta duan një vend pa ligje, që sovrani mos jetë qytetari, por të jetë ai burri që kur ngrihet në mëngjes të thotë kjo shtëpi duhet shembur.
“Të jetë për Ulsi Manjën dhe mazhorancën qeverisëse Gjykata Kushtetuese mund të ngrihet që sot ose nesër, ashtu sikundër kanë bërë këto 6 vite me institucionet që kanë ngritur por që nuk funksionojnë.
Dhe një nga shkaqet sepse kriza e sotme nuk zgjidhet është pikërisht mungesa e Gjykatës Kushtetuese”, tha Hazizi.
