Shumë perëndimore dhe shumë të kuruar nga pikëpamja e imazhit, e cila cilësuar protestën e fundit të opozitës, ish-deputetja demokrate Grida Duma.
Sipas saj, një protestë të tillë do e kishte zili çdo vend europian dhe kuptohet vinte pas deklaratës së dy deputetëve gjermanë, mbi krizën politike në Shqipëri.
“Ndërkombëtarët në çdo moment kanë shfaqur kërkesën e tyre për protesta paqësore në Shqipëri, kishim një deklaratë të dy deputetëve gjermanë, që njohën legjitimitetin e kërkesave të opozitës. Protesta në madhështinë e protestës dhe zhvillimit të saj ishte në një akordancë me legjitimitetin e kërkesave të opozitës nga ana e ndërkombëtarëve”, tha Duma.
Lidhur me 6 letrat që kryeministri Edi Rama i ka drejtuar kreut të PD-së, Lulzim Basha, Duma theksoi se kjo nuk është mënyra që një kryeministër mund të komunikojë.
“Mendoj se është një tallje e kryeministrit. Rama ka dashur të vjedhë edhe ngjyrën blu të PD, ka vjedhur dhe ka përdorur dy gishtat, kamuflohet si i djathtë, por nuk zbaton konkurencën, nuk lejon tregun, e ka zhdukur. Rama ka një qeverisje si kapaku i pusetës”, tha Duma.
