Sokol Hazizi, jurist i njohur, tha se Kuvendi aktual nuk është kushtetues, përsa i takon shumicës së cilësuar.
“Përsa kohë në sallë nuk janë 140 deputetë, do të thotë se nuk është Kushtetues. Pra mjafton që ra 140, dhe Kuvendi është anti-Kushtetues”, tha Hazizaj.
Sipas tij, arsyeja sepse nuk zgjidhet kreu i ri i KLSH-së ka të bëjë me faktin se ai do të paraqitet si pjesë e një pakete në momentin që do të ulen palët në tryezë për gjetjen e kompromisit.
“Sot ka mbaruar çdo garanci ndaj qytetarëve”, tha Hazizaj, duke i mëshuar idesë se do të ketë një pakt apo marrëveshjes mes kryeministrit Edi Rama dhe kreut të opozitës, Lulzim Basha.
“Unë dyshoj që Rama dhe Basha përtej jush, unë nuk e di, por edhe ju nuk e dini kanë ngritur një kompromis. Strëingjimi i kaheve o e shpërbën drejtësinë sic e shpërbeu, e cila do të cojë edhe në shpërbërjen e politikës dhe kam frikë se do të marri lumi të parët, ata më të mirët”, tha Hazizaj.
