Pesë persona kanë humbur jetën si pasojë e rrëzimit të një helikopteri ushtarak. Helikopteri MI-17 u përfshi nga flakët gjatë një operacioni, teksa po shuante zjarret që kishin kapluar malet.
Ngjarja e rëndë ka ndodhur në Meksikë, ndërsa viktimat që ishin pjesë e personelit ushtarak u gjetën në mal.
Helikopteri ra rreth 90 kilometra larg qytetit Jalpan de Sierra.
Sipas Euronews gjatë mëngjesit një skuadër kërkimi gjeti disa pjesë të mbetura të helikopterit.
Presidenti i Meksikës, Andres Maneul Lopez Obrador si dhe zyrtarë të tjerë të shtetit mbajtën në mbrëmje një minutë heshtje në kujtim të personave që humbën jetën.
