Genc Sejko ose i njohur ndryshe dhe si ’njeriu i memeve’ ka reaguar pas vendimit të fundit për ta shndërruar shtëpinë e shkrimtarit Ismail Kadare në muze.
Me anë të një postimi në Facebook, Sejko i këkron falje shkrimtarit dhe politikanit të madh shqiptar At Gjergj Fishtës, i cili edhe pse ka dhënë një kontribut shumë të madh në historinë e vendit tonë, ai nuk ka marrë asnjëherë vlerësimet e duhura, aq sa shtëpia e tij ndryshe nga ajo e Kadaresë është lënë në mëshirë të fatit.
Në postimin e tij, Sejko shkruan:
Na fal o At!
Eshtrat t’i mori Kiri ndërsa shtëpinë po ta prishim ne. Por fajin e ke vetë. Çfarë të mire të sollën ato vargje që shkruajte për Shqipërinë?! Kujt i vlejti lufta jote për atdhe?! A nuk e di ti që ky vend do më shumë servilin?! Dy shtëpi i rregulluam atij që i këndoi gjithë jetën partisë. E shpërblyem me pensione,
tituj e ofiqe. E ty të lamë në harresë. Ti biri ynë më i mirë. Na fal o At! Ne nuk të meritojmë.
