Alban Hoxha ka folur për mikrofonin e “Supersport”, pas ngritje së trofeut, duke treguar pikat e forta të këtij ekipi dhe ndjesinë pas këtij triumfi. Ai gjithashtu tregoi dhe dy momentet, që ai besoj se çdo gjë kishte mbaruar në kampionat.
Ndjenjë unikale ngritja e trofeut?
Është shumë bukur. Shumë pak veta kanë shansin ta provojnë këtë gjë. Është dyfish kënaqësi kur je dhe kapiteni i ekipit. Ka qenë një vit i vështirë, ku kemi kaluar momente të mira dhe të këqija, por ia arritëm. Duam që të vazhdojmë ta ngremë dhe sezonin tjetër, siç ka bërë dhe Skënderbeu. Kishim djem të rinj që u rritën dhe arritëm këtu ku jemi.
Europa?
Shpresojmë të shkojmë sa më larg. Do të përqëndrohemi te ndeshjet e Kombëtares. Shpresoj të jetë një ekip sa më i lehtë në short. Duam dy tre lojtarë dhe do të shohim në vazhdimësi.
Pika e fortë këtë sezon?
Kemi qenë në fazën difensive shumë mirë. Mendoj se kundërsulmi ka qenë arma më e fortë. Ne kishim një ide të mbronim sa më mirë dhe të kundërsulmonim sa më mirë.
Kur u binde për titullin?
Mendoj se kanë qenë dy herë. Barazimi 1-1 me Kukësin, në Shkodër. Ndeshja ndaj Flamurtarit 0-3 në Vlorë. Unë duhet të ruaja qetësinë, jo vetëm unë por edhe stafi.
