U luajtën sot përballjet e javës së fundit të Serisë A. E gjithë vëmendja ishte te lufta për zonën Champions si dhe te mbijetesa.
Interi dhe Atalanta arritën të triumfonin me drithërimash, duke siguruar kështu një biletë në Champions League për sezonin e ardhshëm.
Skuadra e Spallettit fitoi me vuajtje 2-1 ndaj Empolit, ku në fund shpëtoi nga traversa dhe pritja e Handanovic.
Ndërkohë që kuqezinjtë e Milanit kanë mbetur jashtë duke u renditur në vendin e 5-të, me 1 pikë më pak se zikaltrit.
Për sa i përket fundit të renditjes, Empoli është skuadra që do të shoqërojë Frosinonen dhe Chievon në Serinë B, teksa shpëtoi Genoa, e cila mori një barazim të çmuar me Fiorentinën.
