Mijëra qytetarë iu bashkuan sot thirrjeve të opozitës për një protestë kombëtare me të vetmen kërkesë “Rama ik”.
Për mbi 2 orë mijëra mbështetës të opozitës kanë protestuar para Kryeministrisë dhe më pas para Parlamentit, në një prej tubimeve më të mëdha.
Në dallim nga protestat e tjera, kjo e sotmja ishte tërësisht paqësore, pa incidente dhe përplasje mes palëve.
Referuar pjesëmarrjes së lartë në protestë dhe kërcënimeve të Edi Ramës me burg ndaj atyre që do të prishin procesin e zgjedhjeve më 30 qershor, në rrjet kanë qarkulluar meme ironizuese me mbishkrimin “ka burg që i merr të gjithë këta”…
