Gjokë Jaku është zgjedhur sot prefekti i ri i Lezhës. Emërimi i tij vjen pas shkarkimit të prefektit të deritanishëm Gjergj Prendi, i cili e mbajti këtë post rreth 18 muaj
Jaku ka mbajtur një sërë funksionesh publike dhe është një nga eksponetet më të rëndësishëm të Partisë Socialiste në Lezhë.
Ai ka qenë prefekt i Shkodrës, kryebashkiak i Lezhës, deputet i Partisë Socialiste, Zv Minister i Bujqësisë dhe Zhvillimit Rural dhe se fundmi ka mbajtur postin e Zv\kryeregjistruesit të Pasurive të Paluajtshme të Shqipërisë.
Kujtojmë se në vitin 2005 Gjokë Jaku i shpëtoi për mrekulli një atentati me armë. Ai u qëllua në hyrje të banesës së tij dhe plumbat që mori në zonën e këmbëve e lanë të plagosur. Emërimi i Jakut vjen në një kohë tensionesh politike në vend.
