Një ditë para protestës së paralajmëruar të opozitës, te Kryeministria, Parlamenti dhe Ministria e Brendshme kanë filluar të vendosen barrierat metalike. Shtyllat e ndriçimit janë lyer me graso në mënyrë që protestuesit mos te hipin në to.
Policia dhe Garda e Republikës kanë kaluar në gadishmëri, dhe kamerat e sigurisë në zonat përreth janë gati, por plani që kanë për t’iu kundërpërgjigjur një sulmi të mundshëm nga ana e protestuesve mbahet ende sekret.
Jo zyrtarisht thuhet se rreth 1500 policisë do të angazhohen për ruajtjen e sigurisë, shifër e cila i përafrohet protestave të tjera. Të gjitha repartet e policisë, duke filluar nga FNSH dhe RENEA, do të jenë aty.
Protesta pritet të fillojë të shtunën në orën 19:00 dhe leja është marrë deri në mesnatë. Ka pak detaje nga plani i organizatorëve, por pritet që lideri i PD-së Lulzim Basha të mbajë një fjalim para Kryeministrisë.
