PËRDITËSUAR/ Vijon protesta e minatorëve para parlamentit. Minatorë janë shprehur se nuk do të largohen prej aty, derisa të dalë ndonjë deputetë e ti sqarojë.
Në punimet e sotme të Kuvendit të Shqipërisë, pritet të miratohet me procedurë të përshpejtuar ligji për minatorët, ç’ka këta të fundit e konsiderojnë si një “pallavër politike” që nuk i trajton me dinjitet.
***
Tentuan të futen në Parlament/ Minatorët përplasen me policinë (VIDEO)
Në protestën e minatorëve ka përplasje mes protestuesve dhe policisë pasi këta të fundit kanë tentuar të afrohen te godina e Parlamentit duke kaluar gardhin e rrethimit.
Ata kanë tentuar të afrohen te hyrja e Kuvendit dhe janë përplasur me policinë. Duket se situata e protestës së minatorëve është tensionuar goxha ndërkohë që nuk kanë marrë ende një reagim nga qeveria lidhur me kërkesat e tyre.
***
Protestë para Parlamentit
Minatorët janë grumbulluar përpara godinës së Kuvendit të Shqipërisë ku sapo ka filluar seanca plenare. Ata protestojnë lidhur me “statusin e minatorit” për të cilin thonë se janë mashtruar dhe nuk janë vlerësuar në raport me punën që kanë bërë.
Në punimet e sotme të Kuvendit të Shqipërisë, pritet të miratohet me procedurë të përshpejtuar ligji për minatorët, ç’ka këta të fundit e konsiderojnë si një pallavër politike që nuk i trajton me dinjitet.
Më thirrjet “ne kërkojmë status jo pallavra”, minatorët protestojnë para godinës së Kuvendit ku kërkojnë nga qeveria që të miratojë sa më shpejt këtë akt ligjor.
