Në kuadër të ditës ndërkombëtare të fëmijëve jetim, futbollistët e Partizanit janë vizituar në ambjentet e kompleksit sportiv “ Fooball Republic” nga një përfaqësi e fëmijëve jetim të kryeqytetit. Për të gjithë fëmijët e pranishëm kampionët më të rinj kanë dhuruar bluza dhe topa futbolli , duke përcjell mesazhin për të qenë sa më pranë aktiviteteve sportive.
Postimi i Partizanit:
FK Partizani në mbështetje të fëmijëve jetimë të kryeqytetit
Klubi Futbollit Partizani ka qenë sot pjesë e një aktiviteti mjaft të veçantë. Në kuadër të ditës ndërkombëtare të fëmijëve jetim kampionët e Shqipërisë janë vizituar në ambjentet e kompleksit sportiv “ Fooball Republic” nga një përfaqësi e fëmijëve jetim të kryeqytetit. Drejtues, stafi dhe lojtarët ishin pjesë e këtij eventi special kjo fal edhe bashkëpunimit me Kryqin e Kuq Shqiptar. Për të gjithë fëmijët e pranishëm lojtarët e kuq kanë dhuruar bluza dhe topa futbolli , duke përcjell mesazhin për të qenë sa më pranë aktiviteteve sportive. Njëkohësisht fëmijët kanë takuar nga afër lojtarët, ku nuk kanë munguar lojërat e ndryshme si dhe fotografitë e çastit me kampionët e Shqipërisë. Një kujtim i bukur nga kjo ditë e veçantë për të gjithë.
