Kryetari i opozitës Lulzim Basha, deklaroi edhe njëherë nga Vora se shqiptarët e bashkuar nuk do të kthehen pas në betejën e tyre.
Ai tha se në 25 maj shqiptarët do të derdhën në shesh për të çliruar Shqipërinë nga Rama dhe bandat e tij kriminale.
Kryeopozitari ishte i qartë në mesazhin që dhe se, në 30 qershor nuk do të ketë zgjedhje me Ramën kryeministër.
“Asnjë hap pas në betejën tonë për liri dhe demokraci. Jemi në një betejë pa kthim, jo për pushtetin dhe karrigen e Lulzim Bashës, kjo nuk është një betejë për pushtet dhe parti, bëhet për njerëzit e këtij vendi, bëhet për ju vëllezër dhe motra. Në këtë betejë ne kemi sakrifikuar mandatet tona, për tu çliruar ju nga qeveria e Edi Ramës, e bërë njish me bandat, që ju vjedhin, ju dhunojnë dhe ju detyrojnë të largoheni nga vendi. Tani ai është bërë afati që për hir të paktit të tij me krimin, të asgjësojë demokracinë me atë që ka përgatitur për 30 qershorin. Ne jemi të vendosur, nuk ka zgjedhje me krimin, por vetëm zgjedhje të lira dhe të ndershme pa Edi Ramën kryeministër dhe me qeveri tranzitore. Deputetët që do të dalin nga zgjedhjet dhe kryetarët e bashkive të mos jenë peng i kriminelëve por të jenë peng i qytetarëve”, deklaroi Basha. /bn/
Lexo edhe: Basha nxjerr emrat: Ja kush janë kandidatët kriminelë të Ramës
