Me anë të një postimi në Twitter, Dule shkruan se pas djegies së mandateve nga opozita, vendet vakante nuk plotësohen dot nga kandidatët e listave shumëemërore për të çuar në 140 numrin e deputetëve.
“Pavarësisht farsës së zëvëndësimit të opozitës, tani edhe me saktësi matematike nuk mund të plotësohet më kërkesa e nenit 64 të Kushtetutës për 140 deputetë. Kuvendi ka rënë. Në mungesë te Gjykatës Kushtetuese, arsyeja juridike kërkon nismën e Presidentit për shpërndarjen e tij,”-shkruan Dule në Twitter.
