Protesta e 25 majit do të jetë më masivja, më e madhja që është organizuar nga opozita e bashkuar dhe në 28 vitet e pluralizmit shqiptar.
Kështu u shpreh në emisionin “Tempora”, anëtari i Këshillit Kombëtar të PD-së, Aleksandër Biberaj, ndërsa ka zbardhur edhe strategjinë që do të ndiqet nga opozita deri më 30 qershor.
Biberaj tha se shqiptarët do të protestojnë me të gjitha mjetet dhe format demokratike përballë një qeverie, e cila po synon të vendosë diktaturën në Shqipëri.
“Protesta e 25 majit do të jetë më masivja, mund të jetë edhe pa ndërprerje. Por ajo që mund të them është se pas kësaj date, do të shtohet presioni ndaj qeverisë dhe mendoj se do të ketë një zgjidhje para datës 30 qershor.
Protestat do të jenë të përditshme, në Tiranë dhe rrethe. Do të përdoren të gjitha strategjitë demokratike”, tha Biberaj.
