Manfred Burgsmüller ka humbur jetën në moshën 69-vjeçare në banesën e tij në Essen, raportuan këtë të martë mediat gjermane. I cilësuar në raportime si “legjenda e Bundesligës”, Burgsmüller, i cili ka luajtur për Borussia Dortmund dhe Werder Bremen, njihet si ndër golashënuesit më të mirë në ligën gjermane.
Sipas mediave lokale, Burgsmüller u gjet i pajetë mbrëmjen e së shtunës në banesën e tij në Essen. Dyshimet janë se ka humbur jetën për shkaqe natyrale.
Borussia Dortmund, një nga skuadrat për të cilat ka luajtur Burgsmüller, ka shprehur ngushëllime për ish-bomberin, i cili në 447 ndeshje të Bundesligës, shënoi 213 gola.
Shifra që e rendisnin të katërtin golashënues më të mirë në historinë e kampionatit gjerman.
Përveç Dortmundit dhe Bremenit, ai ka luajtur në karrierën e tij, edhe me Rot-Weiß Essen dhe FC Nuremberg.
https://www.youtube.com/watch?v=JP-7TgzfMIQ
/Boldnews.al/
