Të shtëna me armë zjarri janë shënuar orët e para të mëngjesit në Selenicë. Burime zyrtare nga policia konfirmuan se nuk ka të plagosur.
Sipas një rindërtimi paraprak të ngjarjes, është qëlluar me armë zjarri muri i banesës së një 26-vjeçari nga persona ende të panjohur.
“Rreth orës 01:00, në rrethana ende të paqarta është qëlluar me armë zjarri në pjesën e jashtme të murit të banesës së 26 vjeçarit Xh.M, në Selenicë. Nga të shtënat nuk ka persona të lënduar. Grupi hetimor ndodhet në vendngjarje ku po kryen veprimet e mëtejshme hetimore në lidhje me identifikimin dhe kapjen e autorit”, njoftoi Policia.
Banesa është në pronësi të 26-vjeçarit Xhulio Mara, punonjës në Bashkinë e Selenicës, shef i shërbimeve publike.
Sipas policisë, Maraj rezulton person pa precedentë penalë. Ndërsa vetë Malaj tha për “Ora News” se, nuk ka konflikte: “Nuk di kujt t’ia drejtoj gishtin. Nuk kam konflikte që mund të jetë arsye për këtë sulm”.
/bn/
