Një 33-vjeçar shqiptar ka humbur jetën në orët e para të ditës së sotme, ndërsa është gjetur i pajetë në automjetin e tij në San Severino, në Itali.
Automjeti është gjetur i ndaluar në anë të rrugës, ndërsa 33-vjeçari i ulur në vendin e drejtuesit të mjetit, është gjetur pa shenja jete, raportojnë mediat italiane.
Makina ishte e ndaluar në rrugën e rrugës provinciale 127, rrugën që lidh Tolentinin me San Severinon.
Trupi i pajetë i shqiptarit është gjetur rreth orës 04:30 nga kalimtarë të rastit, të cilët më pas njoftuan policinë.
Policia ka nisur hetimet, ndërsa trupi i pajetë është dërguar në morg ku do t’i nënshtrohet ekzaminimeve. Dyshimet e para janë se shqiptari mund të ketë pësuar një goditje në zemër, që i ka shkaktuar vdekjen.
