Kur ka mbetur dhe një javë nga fundi nga fundi e kampionatit, Empoli e sheh vetën një hap larg mbijetesës, e gjithë kjo pas suksesit që arritën ndaj Torinos në shifra 4-1.
Tre pikë shumë të rëndësishme për klubin toskan, teksa për ta kjo ishte dhe fitorja e tretë radhazi. Pjesa e parë parë pa deri diku Torinon më kërkues, por gjithsesi pavarësisht këtij fakti, goli erdhi nga vendasit. Në minutën e 27′ Aquah kalon të tijtë në avantazh. Përpjekjet e miqve për të rikthyer ekuilibrat nuk rezultuan efikase.
Pjesa e dytë, nisi jo mirë për vendasit me Falque që shënoi për Torinon dhe barazoi shifrat. Sidoqoftë nuk u step aspak Empoli, pasi mundi të gjente forcat për të kaluar sërish në avantazh. Brigi në minutën e 65-të i dha epërsinë toskanve, ndërsa për të vendosur qetësinë u kujdes Di Lorenzo që shënoi golin e tretë për vendasit dhe Caputo që vulosi suksesin.
Kjo ishte dhe humbja e parë për Torinon pas 5 javësh, disfatë që ia komplikon edhe zonën europiane, ndërsa Empoli takimin e fundit do ta ketë ndaj Interit, aty ku do të varet edhe fati i kësaj skuadre.
Në takimin tjetër Parma mposhti Fiorentinën me rezultatin 1-0, falë autogolit të Gerson në minutën e 80′. Suksesi i parë për Parmën pas 5 javësh dhe humbja e 5-të radhazi për klubin vjollcë, të cilët tashmë rrezikojnë edhe ata të bien një kategori më poshtë.
Pa fitues dhe pa gola u mbyll ndeshja mes Chievos dhe Sampdorias. Vendasit e mbyllën takimin me 10 lojtarë pasi Barba u ndëshkua me karton të kuq, teksa klubi veronez i dha lamtumirën dhe kapitenit legjendar Sergio Pelisier, i cili mbylli karrierën e tij si futbollist.
