Dejvi Bregu i gëzohet fitores dhe golit. Gjatë deklaratës së dhënë për “Panorama Sport”, vlonjati u shpreh se do bëjnë tifo për Kukësin në finalen e Kupës së Shqipërisë.
“Donim vetëm fitore, pasi vetëm ky rezultat mund të japë shpresë për Europën. Asgjë nuk ka mbaruar, kemi edhe një ndeshje për të luajtur me Luftëtarin. Nëse ia dalim, mendoj se mund të arrijmë objektivin. Sa i përket golit, jam i kënaqur që shënova pasi driblova mbrojtësit dhe portierin. E kërkova shumë. Tifo për Kukësin në finale? Nëse kjo mbetet e vetmja pistë për të realizuar objektivin, pse jo. Ne mendojmë për të ardhmen tonë dhe patjetër që do të bëhemi edhe tifozë të Kukësit për të realizuar misionin”, tha sulmuesi.
