Kreu i opozitës Lulzim Basha gjatë vizitës së tij në Londër ka është takuar edhe me Lordin Robinson, të cilin e ka falënderuar për ndihmën e tij të madhe që ka dhënë për Ballkanin.
Këtë takim Basha e ka shpërndarë dhe në rrjetin social facebook, ku shkruan se në takimin me përfaqësuesit e Dhomës së Lordëve, është diskutuar edhe kriza politike në Shqipëri.
Sipas tij në diskutim është rënë dakord me përfaqësuesit e Dhomës së Lordëve, se Shqipëria ka nevojë për një qeveri legjitime të dalë nga zgjedhje të lira dhe të ndershme.
Ja postimi i plotë i Bashës:
Mirënjohje pafund për Britaninë e Madhe dhe Lordin Robinson për ndihmën e çmuar në kapërcimin me sukses të sfidave jetike për paqen dhe stabilitetin në Shqipëri dhe në Ballkan.
Gjatë darkës me anëtarët e Dhomës së Lordëve diskutuam mbi nevojën që ka Shqipëria për një qeveri të dalë nga zgjedhje të lira e cila mund të luftojë krimin e organizuar. Pa votë të lirë, nuk ka stabilitet dhe zhvillim.
Për Partinë Demokratike është prioritet strategjik forcimi dhe zgjerimi i bashkëpunimit me Mbretërinë e Bashkuar, jo vetëm në fushën e sigurisë dhe luftën kundër krimit, por në veçanti, në fushën ekonomike dhe atë të investimeve britanike.
