Kryeministri Edi Rama u takua këtë të shtunë me kandidatët e PS për zgjedhjet e ardhshme lokale. Shefi i qeverisë theksoi se zgjedhjet do të mbahen më 30 qershor.
Më tej, gjatë fjalës së tij, Rama i drejtoi sulmoi nga paraardhësi i tij në krye të qeverisë. Rama akuzoi ish-kryeministrin Sali Berisha si ideatorin e djegies së mandateve dhe njeriun që kërkon të destabilizojë Shqipërinë.
“Prej 30 vjetësh Shqipëria mbahet peng nga një individ që ka shkelur gjuhën shqiptare qysh nga ato të shkruara në Kanunin e Lek Dukagjinit deri në normat universale të sjelljes”, tha Rama.
Një tjetër akuzë e rëndë që lëshoi ndaj Berishës i referohej kohës së protestave kur ish-kryeministri drejtonte opozitën: “Kishte synim për të vrarë shefin e qeverisë dhe për të marrë pushtetin me dhunë”.
“Ka frikë mund ti vijë më shpejt ora e drejtësisë së re sesa bileta e takimit me Shën Pjetrin”, u shpreh.
Retorikë sulmuese lëshoi edhe ndaj drejtuesve të opozitës, Lulzim Basha, Monika Kryemadhi dhe aleatët e tyre.
“Ramën se mundni dot me zgjedhje, prandaj Rama ik”, u shpreh. /bn/
