Deputeti Kujtim Gjuzi ka kërkuar ndryshim të Kodit Zgjedhor dhe i ka bërë kryeministrit Edi Rama thirrje për një tryezë politike gjithëpërfshirëse
“Ju s’mund të shkoni në zgjedhje me këtë kod të grabitjes, vjedhjes, intimidimit kur keni qenë në zgjedhjet e vitit 2017 duke kërkuar të ndërhyjë policia për të. S’ka shans. Si mund të bëjë zgjedhje pa kundërshtarë dhe të kthehet në monizëm”, tha Kujtim Gjuzi.
“Shkëlqesia e tij kryeministri Edi Rama është i zgjuar për ta zgjodhur këtë. I kërkoj Ramës vëmendje të ftojë në një tryeze bashkëbisedimi kundërshtarë politikë. Ne nuk jemi armiqtë politikë”, shtoi kreu i Partisë Konservatore.
Ndërsa për Ilir Metën kërkoi që të japë dorëheqjen nga posti i Presidentit.
“Nuk e njohim Presidentin, e kemi dërguar në Kushtetuese, për shkak se favorizoi partinë e tij në zgjedhje, i bëj ftesë të japë dorëheqjen dhe të ikë”.
