24-vjeçarja me profesion mësuese e ciklit të ulët ka ndërruar jetë në gjumë. Ende nuk dihen shkaqet e humbjes së jetës por ekspertiza do ta zbulojë të vërtetën.
Ajo ka qenë mësuese e klasës së parë në shkollën ‘Fazli Greiçevci’, në Kosovë.
Lajmin e ka bërë me dije vëllai i saj përmes një postimi ku shkruan:
“Miq ju njoftoj se papritur ndërroi jetë motra ime Lindita Preteni. Për kohën e varrimi do iu njoftojmë ndërkohë. Lamtumirë mësuesja jonë me shpirt të bukur”, ka shkruar vëllai i saj Bashkimi në Facebook.
“Ajo ishte një engjëll, me virtyte te larta ku beri për vete te gjithë stafin dhe komunitetin. Ende s’po e besojmë…LINDA do mbetesh e paharrueshme për ne! Për nxënësit e tu, qe me padurim prisnit Festen e Abetares…”, thuhet në postim. 24-vjeçarja nisi punë si mësuese vetëm një vit më parë dhe prej pak kohësh ishte fejuar por jeta iu pre në mes pabesisht.
