Ish-deputeti i Partisë Demokratike, Ervin Salianji ka paralajmëruar se në protestën e ditës së sotme, mund të ketë shfaqje që nuk i kemi parë në protestat e tjera.
Megjithëse nuk e ka specifikuar nëse do të ketë apo jo përplasje dhe incidente, i ftuar në“Dita Jonë”, Salianji ka thënë se për Partinë Demokratike nuk ka më protesta, dhe se situata tani ka kaluar në një revoltë.
“Ne tani jemi në rezistencë. Tani po kalon në situatë revolte. PD i ka kaluar situatat e protestës. Në 30 qershor nëpërmjet dhunës nuk do të lejohet të ketë zgjedhje. Votim ka pasur edhe në kohën e komunizmit, por votime farsë nuk do të lejojmë. Ka forma të shumta për të bërë të pamundur procesin zgjedhor. Ne nuk do të marrim armët”, tha Salianji.
