Ish-deputetja e Partisë Demokratikë Albana Vokshi ka folur për protestën e planifikuar nga opozita rreth orës 18:30 të pasdites së sotme.
Vokshi bëri me dije se do të jetë një marshim-protestë ndryshe nga protestat e mëparshme kombëtare që ka zhvilluar opozita, por pa dhënë detaje lidhur me itinerarin. Për pjesëmarrjen, u shpreh se, do të jetë më e madhe se herët e tjera.
“S’do jetë si herët e tjera, do jetë mashtrim-protestë. Me lejoni të jemi pak diskretë, do jetë ndryshe nga herët e tjera. Informacionet janë që përmasat e kësaj proteste i kalojnë protestat e tjera”, tha Vokshi në një emision televiziv.
E pyetur për ndonjë surprizë të pakëndueshme të motit, që mund të mos jetë në favor të protestuesve, ajo u shpreh: “Asgjë se ndal marshimin e fitores. marshimin drejt lirisë e demokracisë”.
Pritet që protestuesit të grumbullohen fillimisht para kryeministrisë.
Lidhur me protestën e shkuar, ish-ligjvënësja tha se policia shkeli ligjin duke dhunuar protestuesit. /bn/
