Në daljen publike për mediat, kryeministri Rama fajësonte opozitën për dhunë të ushtruar ndaj forcave të policisë dhe tha se kur ai ishte në opozitë kurrë nuk kishte pasur skena të tilla. Ai shkoi dhe më tej duke sfiduar të gjithë, pasi tha se në 21 janar 2011, nuk ishte hedhur asnjë gurë mbi kryeministrinë.
“Për sa i përket 21 janarit, unë kam qene këtu me Pandeli Majkon dhe disa të tjerë, duke ardhur dhe sa kishim kaluar urën, kur pa u vendosur akoma protestuesit, – pra kishin ardhur të parët dhe do të vinin të tjerët, – u hodh gaz dhe u sulmua me ujë dhe aty filloi çorodia, nga një menaxhim skandaloz i forcave të policisë të abuzuara keq. Ama, e kam parë, siç e kanë parë të gjithë protestën dhe nuk më rezulton që të jetë ndezur ndonjë zjarr tek dera e kryeministrisë në 21 janar”, tha Rama.
Por duket se Rama në këtë pjesë të deklaratës së tij dhe në pjesë të tjera po ashtu ka gënjyer. Pamjet e asaj dite, por dhe kujtesa afatgjatë e gjithkujt që e ka parë atë protestë vërteton të kundërtën. Siç shihet nga videoja e transmetuar nga mediat e huaja, turma e acaruar në 21 janar ka goditur me gure mbi kryeministri, po ashtu dhe ka ndezur zjarrë afër saj, ku janë djegur disa makina.
Në atë kohë godiana e qeverisë ka qenë e rrethuar dhe viktimë e flakëve ishte muri rrethues. Këto pamje flasin qartë për një dhunë të përdorur atë ditë dhe përgënjeshtrojnë deklaratën e Ramës.
