Enki Bracaj e pohon se koha kur jepte lajme me dekoltenë zbuluar në “Zjarr tv” e rriti audiencën e televizionit ku punonte.
Pas dy vitesh mungesë dhe ofertës për të pozuar në revistën e famshme “Playboy”, kthehet në ekran si pjesë e “Aldo Morning Show” dhe faqes ”Shërbimi Informativ Televiziv”, ku improvizon intervista me politikanë për “Çmendina Tv”.
Pas një periudhe mungesë, ajo është rikthyer në ekran si pjesë e “Aldo Morning show” ku edhe është pjesë e përditshme e ekraneve tona në lidhje direkte me moderatorin e njohur të emisionit të mëngjesit.
‘Kam qëndruar rreth dy vite jashtë ekranit. Arsyet ishin familjare dhe e ndieja të nevojshme të bëja pak pauzë. Rikthimi nuk ishte një ofertë, por interesim nga ana ime, pasi më pëlqente si program dhe u mirëprita me kënaqësi’ ka thënë ajo për Panorama Plus.
Duket se spikerja e lajmeve e mësuar me dekolte në ‘Zjarr Tv’ nuk e ka patur aspak të vështitrë të përshatet me formatin e emisionit të mëgjesit.
