Mjeku i njohur Petrit Vargu ka paralajmëruar kryebashkiakun Erjon Veliaj se një ditë do të japë llogari për betonizimin e Tiranës dhe çfarë fshihet pas saj.
Përmes një postimi në rrjet, Vargu e cilëson Veliajn një burracak mburravec, që pavarësisht se zbaton urdhërat e të tjerëve do të përgjigjet një ditë.
“Të gjithe jemi në ankth se çfarë do të thotë sot Rudina Hajdari! Por papritur heshtjen e theu ai që s’ka lidhje fare me këtë situatë ,një aspirant për burrë shteti, por që deri tani nuk i themi dot as burrë.
Dhe pikërisht ky, burracak mburravec arrin dhe e quan opoziten “stan me lepuj”.Gjithe jetën në shërbim të të tjerëve, ai harron që asnjë kryetar bashkie nuk është prononcuar për këtë situatë. Ai harron që një ditë do të japë llogari për betonizimin e Tiranës dhe çfarë fshihet pas saj.
Fakti që zbaton urdhërat e të tjerëve, nuk e bën të pafajshëm. Kujtojani këtë gjë !”, shkruan Vargu.
